متحف بورسعيد الحربي ..قصة وطن ..وكفاح شعب

https://heritagevsmoney.files.wordpress.com/2016/06/img_20160514_122701.jpg?w=918&h=689

كانت فرصة طيبة جدا لزيارة متحف بورسعيد الحربي خلال زيارتي للمدينة  الباسلة على متن قوافل وزارة الشباب والرياضة وبتنسيق من ادارة التدريب بالادارة المركزية للمنافذ الاثرية بوزراة الاثار بقيادة الاستاذة ليلى فرماوي اللي روحت معاها زيارات ودورات اكتر من مرة وفي كل مرة ولله الحمد برجع مبسوطة طبعا بخلاف الاستفادة العلمية …استاذة ليلي عندها قدرة انك تخليك تحب تتعلم وتدور وتشوف وكمان تنبسط وترجع باحلى ذكريات وتعرف احلى ناس ..لكن سبب الكتابة مش توثيق الزيارة ( على الاقل مش المرة دي)
سبب الكتابة هو متحف بورسعيد الحربي وتميزه وقدرته على توصيل رسالته رغم صغر حجمه بالمقارنة مع متاحف كتير في مصر ..ولا اخفى عليكم سرا اني شعرت بقليل من الغيظ وكثير من الحسد ( 😇) لانه افضل حالا كتير من المتاحف الاثرية اللي رغم غناها بمجموعات اثرية الا انها كتير مش بتوصل رسالة  مباشرة ولا بتسيب انطباع قوى عند الزائر وطبعاً كلامي عن الزائر المصري غير المتخصص رغم عنصر الابهار اللي المفروض يكون في الاثار خاصة الاثار المصرية القديمة
متحف بورسعيد الحربي – وهو موجود في وسط المدينة هناك وموقعه حلو اوي بالنسبة لمدينة صغيرة تتلف في نص ساعة -بيضم حديقة متحفية معروض فيها بعض الطيارات والدبابات اللي حاربت في حرب اكتوبر ١٩٧٣  وتعتبر الحديقة فرصة حلوة لالتقاط بعض الصور للذكرى جنب الطيارات والدبابات الاسرائيلية اللي اسقطها الجيش المصري  كتمهيد لفكرة ومضمون كولكشن المتحف
اما المبنى من الداخل فيضم ٣ قاعات ..ترتكز على اسلوب عرض الدايورما ..مكدبش عليكم انا مركزتش في اسماء القاعات بس انا كنت مركزة في حاجات تانية ..قد ايه البساطة ممكن تكون عبقرية وتوصل الفكرة بشكل مباشر ومن غير فذلكة  ..متحف بيخلد حادثة وطنية ويمجد للمدينة ولاهلها البواسل ..قد ايه احنا محتاجين المتاحف الاقليمية للسبب ده …الانتماء وزرع الوطنية ..ان لينا اجداد واباء دافعوا عن تراب الوطن رغم ان كولكشن المتحف مش كبيرة لكنها موفقة قدرت توصل الرسالة  ..مجموعة لوحات مرسومة بتمثل مشاهد من تاريخ مدينة بورسعيد وكفاحها ضد العدوان الثلاثي مع  بعض المواد الارشيفية زي الصور واخبار الجرايد المعاصرة للعدوان ..وبعض البطولات الشعبية زي معركة البرلس البحرية  والرابط بين الموضوعين هو  عنصر المقاومة الشعبية. . وفيه حاجة عجبتني في اللوحات هى الحركة والحيوية لانها بتمثل اما معركة او كفاح ضد العدوان زي حادثة اختطاف ضابط انجليزي  ..واللوحات فيها تفاصيل جميلة جدا عن المجتمع المصري وقتها ..وكان ممكن الملحمة دي تكمل لو كان فيه خطاب حماسي ملهب  للزعيم المصري جمال عبد الناصر لكن مع غياب استخدام المالتيمديا …الصور واللوحات حاضرة مع بعض الاثار ( سوفينيرز ;)😂 ) لجنود وقت الاحتلال واسلحة قديمة من وقت الحرب ..المتحف مش معجزة ولا معمول بامكانيات كبيرة بخلاف التشطيب السوبر لوكس اللي دايما باعترض عليه من ارضيات رخام وسيراميك وخلافه  …المتحف معمول علشان يوصل رسالة معينة للجمهور والهدف اتحقق واتمنى يكون في كل محافظة متحف بيخلد حادثة أو شخصيات لها دور  في تاريخها ..ده هيكون له مفعول السحر في زيادة الانتماء بالاضافة طبعا لدور المتحف المنوط بيه كمؤسسة تعليمية وكمان ترفيهية وقد ايه الاقاليم محتاجة الدور ده كفاية هيكون مكان للفسحة  او للرحلات المدرسية   ..هاسيبكم للصور

image
منظر عام لمبنى المتحف من بره ، والحديقة المتحفية

1

image
جرايد وصور قديمة من وقت العدوان الثلاثي على بورسعيد بالغضافة إلى قرار تاميم القناة
image
الحيوية والحركة في اللوحات اللي بتصور الكفاح الشعبي لاهل بورسعيد ضد العدوان الثلاثي
image
تفصيل من لوحة بتمثل عملية اختطاف لضابط انجليزي  اسمه مورهاوس
image
اسماء الفدائيين اللي قاموا بالعملية
image
خطب ناصر النارية
image
تفصيل من لوحة بتظهر فيها الست المصرية وقت الشدة بميت راجل

image

image
السوفينيرز اللي بقولكوا عليها 🙂
image
تفصيل من لوحة للفدائيين رجالة واطفال في عمر الزهور بس برضه رجالة

3.jpg

Advertisements

One thought on “متحف بورسعيد الحربي ..قصة وطن ..وكفاح شعب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s